HERTZAINAK

Hertzainak 1981. urtean Araban sortutako euskal rock taldea da.Euskal rock radikala eta Euskadi tropikala delako mugimenduetan sarturik zeuden.
1981eko gabon zahar gauan estreinatu ziren Gasteizen.The police taldearen euskarazko bertsio batekin hasi ziren. Lehenengo diskoetan punkaren probokazioa ska eta regge erritmo dantzagarriekin nahasten zuten, letretan Euskal Herriko egoera sozio-politikoa islatuz. Esate baterako, Pakean utzi arte kanta, Javier San Martin Goikoetxea Piti Komando Autonomo antikapitalisteko kide zenduari eskeinia zegoen, musika taldearen laguna baitzen.
Hasierako taldekideakJosu Zabala, Kurro, Delfo, Txanpi eta Kike ziren.1982ko udan,Xabier Montoia "Gamma"-k taldea utzi eta Gari sartu zen taldean.1993an, taldeak agur esan zuen Donostiko Anoeta polikiroldegian eskainiriko emanaldian. Oraindik, taldekide batzuek bakarka kantatzen jarraitzen dute (Txanpi, Dr. Deseo), Gari bakarka eta Josu Zabala Zazpi Eskale eta Gu eta Gutarrak taldeetan..